aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baDe nadan the hum ret ko aab-e-rawan samjhe

Asad Badayuni

baDe nadan the hum ret ko aab-e-rawan samjhe

Asad Badayuni

MORE BYAsad Badayuni

    baḌe nādān the ham ret ko āb-e-ravāñ samjhe

    khujūroñ ke daraḳhtoñ ko ghanerā sā.ebāñ samjhe

    chaman meñ mere aañsū the jinheñ shabnam kahā sab ne

    falak par merī aaheñ thiiñ jinheñ sab kahkashāñ samjhe

    kabhī tujh ko ġhubār-e-rañg meñ koī kiran jaanā

    kabhī tujh ko giraft-e-sañg meñ juue ravāñ samjhe

    kisī be-mehr-sub.hoñ ko atā raushnī ham ne

    ka.ī mehrbāñ rātoñ ko bhī ham mehrbāñ samjhe

    ḳhizāñ ke shahr meñ bas maiñ bahāroñ alāmat thā

    mire zaḳhmoñ ko sab phūloñ nāzuk pattiyāñ samjhe

    sabhī ko de rahā thā vo duā jiine sadiyoñ tak

    hamāre shahr ke sab log us ko bad-zabāñ samjhe

    thake baiThe the kuchh panchhī lab-e-dariyā jinheñ 'as.ad'

    ham apnī par-shikasta ḳhvāhishoñ kārvāñ samjhe

    baDe nadan the hum ret ko aab-e-rawan samjhe

    khujuron ke daraKHton ko ghanera saeban samjhe

    chaman mein mere aansu the jinhen shabnam kaha sab ne

    falak par meri aahen thin jinhen sab kahkashan samjhe

    kabhi tujh ko ghubar-e-rang mein koi kiran jaana

    kabhi tujh ko giraft-e-sang mein jue rawan samjhe

    kisi be-mehr-subhon ko ata ki raushni hum ne

    kai na mehrban raaton ko bhi hum mehrban samjhe

    KHizan ke shahr mein bas main bahaaron ki alamat tha

    mere zaKHmon ko sab phulon ki nazuk pattiyan samjhe

    sabhi ko de raha tha wo dua jine ki sadiyon tak

    hamare shahr ke sab log us ko bad-zaban samjhe

    thake baiThe the kuchh panchhi lab-e-dariya jinhen 'asad'

    hum apni par-shikasta KHwahishon ka karwan samjhe

    Source:

    Rooh-e-Ghazal,Pachas Sala Intekhab (Pg. 560)

      • Edition: 1993
      • Publisher: Anjuman-e-Rooh-e-Adab, Allahabad
      • Year of Publication: 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now