baDh gain gustaKHiyan meri saza ke sath sath
baḌh ga.iiñ gustāḳhiyāñ merī sazā ke saath saath
pyaar aatā hai tirī jaur-o-jafā ke saath saath
zo.af se rāh-e-mohabbat meñ qadam uThte nahīñ
paañv jamte haiñ zamīñ par naqsh-e-pā ke saath saath
chhūT kar kunj-e-qafas se nik.hat-e-gul kī tarah
ham bhī uḌ kar jā.eñge bād-e-sabā ke saath saath
sard aahoñ se phuñkā jaatā hai siine meñ jigar
ātish-e-ġham tez hotī hai havā ke saath saath
mere aañsū bhī bahe josh-e-mohabbat meñ 'azīz'
mere naale bhī rahe merī duā ke saath saath
baDh gain gustaKHiyan meri saza ke sath sath
pyar aata hai teri jaur-o-jafa ke sath sath
zoaf se rah-e-mohabbat mein qadam uThte nahin
panw jamte hain zamin par naqsh-e-pa ke sath sath
chhuT kar kunj-e-qafas se nikhat-e-gul ki tarah
hum bhi uD kar jaenge baad-e-saba ke sath sath
sard aahon se phunka jata hai sine mein jigar
aatish-e-gham tez hoti hai hawa ke sath sath
mere aansu bhi bahe josh-e-mohabbat mein 'aziz'
mere nale bhi rahe meri dua ke sath sath
Source:
Intekhab-e-Sukhan(Jild-2) (Pg. 266)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
