baDha ab aur taqaze na chashm-e-nam apne

baḌhā ab aur taqāze na chashm-e-nam apne

chhupā ke sab se kahāñ tak likhūñ alam apne

huī haiñ us se vo bāteñ bhī jo kabhī na huiiñ

aur us meñ bhuul ga.e ham to kitne ġham apne

sukūn-e-dil kī talab vahshatoñ ke andeshe

yahī rahe haiñ shab-o-roz besh-o-kam apne

kise talāsh kareñ kis ke ham-safar ban jaa.eñ

ḳhud apnī raah meñ uThte nahīñ qadam apne

kuchh us kī zulf-e-shikan-dar-shikan ke ramz khuleñ

rah-e-hayāt sameTe jo pech-o-ḳham apne

sukūn-e-qalb-o-ġham-e-dahr kī kashākash meñ

yahī huā ki tumhāre hue na ham apne

baDha ab aur taqaze na chashm-e-nam apne

chhupa ke sab se kahan tak likhun alam apne

hui hain us se wo baaten bhi jo kabhi na huin

aur us mein bhul gae hum to kitne gham apne

sukun-e-dil ki talab wahshaton ke andeshe

yahi rahe hain shab-o-roz besh-o-kam apne

kise talash karen kis ke ham-safar ban jaen

KHud apni rah mein uThte nahin qadam apne

kuchh us ki zulf-e-shikan-dar-shikan ke ramz khulen

rah-e-hayat sameTe jo pech-o-KHam apne

sukun-e-qalb-o-gham-e-dahr ki kashakash mein

yahi hua ki tumhaare hue na hum apne