baDha ke hath zamin se uTha liya jae

baḌhā ke haath zamīñ se uThā liyā jaa.e

jo bach gayā hai usī ko bachā liyā jaa.e

anā kī jañg ne barbād kar diye rishte

agarche ishq hai to sar jhukā liyā jaa.e

hamāre dil pe kabhī aap kī hukūmat thī

to kyuuñ na aap se hī mashvara liyā jaa.e

ki jagmagātī udāsī hai shahr meñ tere

chalo udāsī kā mil kar mazā liyā jaa.e

uThe to chal hī paḌeñge ye kārvāñ ke saath

gire paḌoñ ko gale se lagā liyā jaa.e

maiñ ek chor churātā huuñ qīmtī zevar

tumhārī aañkh se aañsū churā liyā jaa.e

sulagtī ret ke us paar ishq kā dariyā

mire ḳhayāl se paañv jalā liyā jaa.e

baDha ke hath zamin se uTha liya jae

jo bach gaya hai usi ko bacha liya jae

ana ki jang ne barbaad kar diye rishte

agarche ishq hai to sar jhuka liya jae

hamare dil pe kabhi aap ki hukumat thi

to kyun na aap se hi mashwara liya jae

ki jagmagati udasi hai shahr mein tere

chalo udasi ka mil kar maza liya jae

uThe to chal hi paDenge ye karwan ke sath

gire paDon ko gale se laga liya jae

main ek chor churaata hun qimti zewar

tumhaari aankh se aansu chura liya jae

sulagti ret ke us par ishq ka dariya

mere KHayal se panw jala liya jae