aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baDhe kuchh aur kisi iltija se kam na hue

Zafar Moradabadi

baDhe kuchh aur kisi iltija se kam na hue

Zafar Moradabadi

MORE BYZafar Moradabadi

    baḌhe kuchh aur kisī iltijā se kam na hue

    mire harīf tumhārī duā se kam na hue

    siyāh raat meñ dil ke muhīb sannāTe

    ḳharosh-e-naġhma-e-shola-navā se kam na hue

    vatan ko chhoḌ ke hijrat bhī kis ko raas aa.ī

    masā.il un ke vahāñ bhī zarā se kam na hue

    farāz-e-ḳhalq se apnā lahū bhī barsāyā

    ġhubār phir bhī diloñ fazā se kam na hue

    buland aur laveñ ho ga.iiñ ummīdoñ

    diye vafā ke tumhārī jafā se kam na hue

    bhañvar meñ Duub ke tārīḳh ban ga.e goyā

    safīne ishq ke sail-e-balā se kam na hue

    hamāre zehn bhaTakte rahe ḳhalāoñ meñ

    safar nasīb ke zanjīr-e-pā se kam na hue

    sadā bahār ḳhayābān-e-ārzū thā 'zafar'

    lahū ke phuul hamārī qabā se kam na hue

    baDhe kuchh aur kisi iltija se kam na hue

    mere harif tumhaari dua se kam na hue

    siyah raat mein dil ke muhib sannaTe

    KHarosh-e-naghma-e-shola-nawa se kam na hue

    watan ko chhoD ke hijrat bhi kis ko ras aai

    masail un ke wahan bhi zara se kam na hue

    faraaz-e-KHalq se apna lahu bhi barsaya

    ghubar phir bhi dilon ki faza se kam na hue

    buland aur lawen ho gain ummidon ki

    diye wafa ke tumhaari jafa se kam na hue

    bhanwar mein Dub ke tariKH ban gae goya

    safine ishq ke sail-e-bala se kam na hue

    hamare zehn bhaTakte rahe KHalaon mein

    safar nasib ke zanjir-e-pa se kam na hue

    sada bahaar KHayaban-e-arzu tha 'zafar'

    lahu ke phul hamari qaba se kam na hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now