badla nahin hai tujhse mera dil sambhal ke dekh

badlā nahīñ hai tujh se mirā dil sambhal ke dekh

le maiñ milā.ūñ aañkh to āñkheñ badal ke dekh

apne hī chaal tak hai zamāne kā chal-chalāv

kashtī pe naḳhl-e-sāhil-e-dariyā ko chal ke dekh

ai dil na chhoḌ dāman-e-tifl-e-sarishk ko

rah jā.egā ba-rañg-e-mizha haath mal ke dekh

dāman talak kisī kī rasā.ī jo jaatī ho

mānind-e-ashk dīda-e-mardum se Dhal ke dekh

bahr-e-jahāñ meñ naqsh-bar-āb aadmī ko jaan

misl-e-habāb saare hijr ek mal ke dekh

ġhunche meñ gul-ruḳhoñ ke guzārī tamām umr

o bū-e-gul-nasīm jalā.e nikal ke dekh

badla nahin hai tujh se mera dil sambhal ke dekh

le main milaun aankh to aankhen badal ke dekh

apne hi chaal tak hai zamane ka chal-chalaw

kashti pe naKHl-e-sahil-e-dariya ko chal ke dekh

ai dil na chhoD daman-e-tifl-e-sarishk ko

rah jaega ba-rang-e-mizha hath mal ke dekh

daman talak kisi ki rasai jo jati ho

manind-e-ashk dida-e-mardum se Dhal ke dekh

bahr-e-jahan mein naqsh-bar-ab aadmi ko jaan

misl-e-habab sare hijr ek mal ke dekh

ghunche mein gul-ruKHon ke guzari tamam umr

o bu-e-gul-nasim jalae nikal ke dekh