badlega ruKH hawa kabhi to

Arman Najmi

badlega ruKH hawa kabhi to

Arman Najmi

MORE BYArman Najmi

    badlegā ruḳh havā kabhī to

    khul jā.egā rāsta kabhī to

    ġhaflat pe ḳhud apnī chauñk uThegā

    sun kar vo mirī sadā kabhī to

    ho jā.egā munkashif bhī ḳhud par

    dekhegā vo aa.ina kabhī to

    kab tak ye adā-e-be-niyāzī

    TūTegā ye silsila kabhī to

    kholegā vo mujh pe bāb-e-rahmat

    sun legā mirī duā kabhī to

    qaa.em hai umiid par duniyā

    hal hogā ye mas.ala kabhī to

    kar degā zamīñ bojh halkā

    uThegā girā huā kabhī to

    baiThā huuñ maiñ us ke rāste par

    ho jā.egā sāmnā kabhī to

    hai dard-e-dil pe us ke dastak

    tai hogā ye fāsla kabhī to

    badlega ruKH hawa kabhi to

    khul jaega rasta kabhi to

    ghaflat pe KHud apni chaunk uThega

    sun kar wo meri sada kabhi to

    ho jaega munkashif bhi KHud par

    dekhega wo aaina kabhi to

    kab tak ye ada-e-be-niyazi

    TuTega ye silsila kabhi to

    kholega wo mujh pe bab-e-rahmat

    sun lega meri dua kabhi to

    qaem hai umid par hi duniya

    hal hoga ye masala kabhi to

    kar dega zamin ka bojh halka

    uThega gira hua kabhi to

    baiTha hun main us ke raste par

    ho jaega samna kabhi to

    di hai dard-e-dil pe us ke dastak

    tai hoga ye fasla kabhi to

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY