badli si apni aaankhon mein chhai hui si hai

badlī sī apnī ā.ankhoñ meñ chhā.ī huī sī hai

bhūlī huī sī yaad phir aa.ī huī sī hai

mat haath rakh sulagte kaleje pe ham-nashīñ

ye aag dekhne meñ bujhā.ī huī sī hai

letā huuñ saañs bhī to bhaTaktā hai tan-badan

rag rag meñ ek nok samā.ī huī sī hai

be-sāḳhta kahe hai jo dekhe hai zaḳhm-e-dil

ye choT to unhīñ kī lagā.ī huī sī hai

muddat huī jalā.ī ga.ī shāḳh-e-āshiyāñ

ab tak isī tarah se jalā.ī huī sī hai

jo in kī baat hai vahī merī ġhazal kī baat

lekin zarā ye baat banā.ī huī sī hai

chheḌī ġhazal jo tum ne to aisā lagā 'kalīm'

ḳhushbū kisī kī zulf kī aa.ī huī sī hai

badli si apni aaankhon mein chhai hui si hai

bhuli hui si yaad phir aai hui si hai

mat hath rakh sulagte kaleje pe ham-nashin

ye aag dekhne mein bujhai hui si hai

leta hun sans bhi to bhaTakta hai tan-badan

rag rag mein ek nok samai hui si hai

be-saKHta kahe hai jo dekhe hai zaKHm-e-dil

ye choT to unhin ki lagai hui si hai

muddat hui jalai gai shaKH-e-ashiyan

ab tak isi tarah se jalai hui si hai

jo in ki baat hai wahi meri ghazal ki baat

lekin zara ye baat banai hui si hai

chheDi ghazal jo tum ne to aisa laga 'kalim'

KHushbu kisi ki zulf ki aai hui si hai