baghair naw ke dariya ko par karna hai

baġhair naav ke dariyā ko paar karnā hai

safar ke saath mujhe intizār karnā hai

visāl-e-yār kī yādoñ pe guftugū kiije

tavīl hijr agar ḳhush-gavār karnā hai

vo apne lab bhī mire lab ke paas lā.egā

jabīn chuum use sogvār karnā hai

udaas laḌkiyoñ ko marg-e-nā-gahāñ se qabl

gharoñ kī qaid se yā-rab farār karnā hai

namī zamīn kī paañv se chuum kar 'ālok'

nadī nadī ko use mauj-dār karnā hai

baghair naw ke dariya ko par karna hai

safar ke sath mujhe intizar karna hai

visal-e-yar ki yaadon pe guftugu kije

tawil hijr agar KHush-gawar karna hai

wo apne lab bhi mere lab ke pas laega

jabin chum use sogwar karna hai

udas laDkiyon ko marg-e-na-gahan se qabl

gharon ki qaid se ya-rab farar karna hai

nami zamin ki panw se chum kar 'alok'

nadi nadi ko use mauj-dar karna hai