baghaur dekh raha hai ada-shanas mujhe

baġhaur dekh rahā hai adā-shanās mujhe

bas ab zalīl na kar ai nigāh-e-yās mujhe

ye dil hai shauq meñ be-ḳhud vo aañkh nashshe meñ chuur

jhukā na de su-e-sāġhar bhaḌaktī pyaas mujhe

udhar malāmat-e-duniyā idhar malāmat-e-nafs

baḌā azaab hai aa.e hue havās mujhe

palaT do baat na lo muñh se naam ruḳhsat kā

abhī se ghar nazar aane lagā udaas mujhe

jo multafit haiñ ye nazreñ badal bhī saktī haiñ

banā chukā hai zamāna adā-shanās mujhe

baghaur dekh raha hai ada-shanas mujhe

bas ab zalil na kar ai nigah-e-yas mujhe

ye dil hai shauq mein be-KHud wo aankh nashshe mein chur

jhuka na de su-e-saghar bhaDakti pyas mujhe

udhar malamat-e-duniya idhar malamat-e-nafs

baDa azab hai aae hue hawas mujhe

palaT do baat na lo munh se nam ruKHsat ka

abhi se ghar nazar aane laga udas mujhe

jo multafit hain ye nazren badal bhi sakti hain

bana chuka hai zamana ada-shanas mujhe