bagule qais se kahte to honge lauT ja pyare

bagūle qais se kahte to hoñge lauT jā pyāre

nahīñ lekin kisī kī mānte ye ishq ke maare

sabab mere mire raste meñ haa.il har rukāvaT thī

mire haTte hī manzil se ye raste jā mile saare

palaT kar yuuñ nahīñ dekhā mabādā sirf malba ho

mirī yādoñ meñ zinda haiñ vo ghar vo dar vo chaubāre

kisī kā raaj ḳhvāboñ par kisī kā niiñd par pahrā

kiye kuchh is tarah hamdam tirī yādoñ ne baTvāre

bhalā lagtā hai mujh ko mujh sā banjar āsmāñ din bhar

magar phir us pe khul jaate haiñ phūloñ se hasīñ taare

kisī guzre hue kal kī tarah mahsūs hotā hai

nayā kyā hai batā is aaj meñ āñkheñ ki nazzāre

bagule qais se kahte to honge lauT ja pyare

nahin lekin kisi ki mante ye ishq ke mare

sabab mere mere raste mein hail har rukawaT thi

mere haTte hi manzil se ye raste ja mile sare

palaT kar yun nahin dekha mabaada sirf malba ho

meri yaadon mein zinda hain wo ghar wo dar wo chaubare

kisi ka raj KHwabon par kisi ka nind par pahra

kiye kuchh is tarah hamdam teri yaadon ne baTware

bhala lagta hai mujh ko mujh sa banjar aasman din bhar

magar phir us pe khul jate hain phulon se hasin tare

kisi guzre hue kal ki tarah mahsus hota hai

naya kya hai bata is aaj mein aankhen ki nazzare