bahaduri jo nahin hai to buzdili bhi nahin
bahādurī jo nahīñ hai to buzdilī bhī nahīñ
bahut hī chāhā magar ham se ḳhud-kushī na huī
kuchh is tarah se ḳhayāloñ ne raushnī baḳhshī
tumhārī zulf bhī bikhrī to tīrgī na huī
kisī ke dard ko tum jānte bhalā kyūñkar
ḳhud apne dard se jab tum ko āgahī na huī
vo tīrgī thī musallat fazā-e-ālam par
lahū ke diip jale phir bhī raushnī na huī
maiñ jī rahā huuñ dil-e-murda le ke siine meñ
ise to maut kaho ye to zindagī na huī
bahaduri jo nahin hai to buzdili bhi nahin
bahut hi chaha magar hum se KHud-kushi na hui
kuchh is tarah se KHayalon ne raushni baKHshi
tumhaari zulf bhi bikhri to tirgi na hui
kisi ke dard ko tum jaante bhala kyunkar
KHud apne dard se jab tum ko aagahi na hui
wo tirgi thi musallat faza-e-alam par
lahu ke dip jale phir bhi raushni na hui
main ji raha hun dil-e-murda le ke sine mein
ise to maut kaho ye to zindagi na hui
Source:
Funoon(Jadeed Ghazal Number: Volume-002) (Pg. 750)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
