bahaar aai gul-afshaniyon ke din aae

Ghulam Rabbani Taban

bahaar aai gul-afshaniyon ke din aae

Ghulam Rabbani Taban

MORE BYGhulam Rabbani Taban

    bahār aa.ī gul-afshāniyoñ ke din aa.e

    uThāo saaz ġhazal-ḳhvāniyoñ ke din aa.e

    nigāh-e-shauq gustāḳhiyoñ daur aayā

    dil-e-ḳharāb nādāniyoñ ke din aa.e

    nigāh-e-husn ḳharīdāriyoñ pe maa.il hai

    matā-e-shauq arzāniyoñ ke din aa.e

    mizāj-e-aql nā-sāziyoñ mausam hai

    junūñ silsila-jambāniyoñ ke din aa.e

    saroñ ne dāvat-e-āshuftagī qasd kiyā

    diloñ meñ dard mehmāniyoñ ke din aa.e

    charāġh-e-lāla-o-gul Tapak paḌī haiñ laveñ

    chaman meñ phir sharer-afshāniyoñ ke din aa.e

    bahār bā.is-e-jam.īyat-e-chaman na huī

    shamīm-e-gul pareshāniyoñ ke din aa.e

    udhar chaman meñ zar-e-gul luTā idhar 'tābāñ'

    hamārī be-sar-o-sāmāniyoñ ke din aa.e

    bahaar aai gul-afshaniyon ke din aae

    uThao saz ghazal-KHwaniyon ke din aae

    nigah-e-shauq ki gustaKHiyon ka daur aaya

    dil-e-KHarab ki nadaniyon ke din aae

    nigah-e-husn KHaridariyon pe mail hai

    mata-e-shauq ki arzaniyon ke din aae

    mizaj-e-aql ki na-saziyon ka mausam hai

    junun ki silsila-jambaniyon ke din aae

    saron ne dawat-e-ashuftagi ka qasd kiya

    dilon mein dard ki mehmaniyon ke din aae

    charagh-e-lala-o-gul ki Tapak paDi hain lawen

    chaman mein phir sharer-afshaniyon ke din aae

    bahaar bais-e-jamiyat-e-chaman na hui

    shamim-e-gul ki pareshaniyon ke din aae

    udhar chaman mein zar-e-gul luTa idhar 'taban'

    hamari be-sar-o-samaniyon ke din aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY