bahaar aai hai kya kya chaak jaib-e-pairahan karte
bahaar aai hai kya kya chaak jaib-e-pairahan karte
Inamullah Khan Yaqeen
MORE BYInamullah Khan Yaqeen
bahār aa.ī hai kyā kyā chaak jaib-e-pairahan karte
jo ham bhī chhūT jaate ab to kyā dīvāna-pan karte
tasavvur us dahān-e-tañg kā ruḳhsat nahīñ detā
jo Tuk dam maar sakte ham to kuchh fikr-e-suḳhan karte
nahīñ juuñ panja-e-gul kuchh bhī in hāthoñ meñ gīrā.ī
vagarna ye garebāñ nazr-e-ḳhūbān-e-chaman karte
musāfir ho ke aa.e haiñ jahāñ meñ tis pe vahshat hai
qayāmat thī agar ham is ḳharāba meñ vatan karte
koī farhād jaise be-zabāñ ko qatl kartā hai
'yaqīñ' ham vaañ agar hote to ik-do bachan karte
bahaar aai hai kya kya chaak jaib-e-pairahan karte
jo hum bhi chhuT jate ab to kya diwana-pan karte
tasawwur us dahan-e-tang ka ruKHsat nahin deta
jo Tuk dam mar sakte hum to kuchh fikr-e-suKHan karte
nahin jun panja-e-gul kuchh bhi in hathon mein girai
wagarna ye gareban nazr-e-KHuban-e-chaman karte
musafir ho ke aae hain jahan mein tis pe wahshat hai
qayamat thi agar hum is KHaraba mein watan karte
koi farhad jaise be-zaban ko qatl karta hai
'yaqin' hum wan agar hote to ik-do bachan karte
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
