bahaar aai hai phir chaman mein nasim iThla ke chal rahi hai
bahaar aai hai phir chaman mein nasim iThla ke chal rahi hai
Agha Shayar Qazalbash
MORE BYAgha Shayar Qazalbash
bahār aa.ī hai phir chaman meñ nasīm iThlā ke chal rahī hai
har ek ġhuncha chaTak rahā hai guloñ kī rañgat badal rahī hai
vo aa ga.e lo vo jī uThā maiñ adū kī ummīd-e-yās Thahrī
ajab tamāshā hai dil-lagī hai qazā khaḌī haath mal rahī hai
batāo dil duuñ na duuñ kaho to ajiib nāzuk mo.āmla hai
idhar to dekho nazar milāo ye kis kī shoḳhī machal rahī hai
taḌap rahā huuñ yahāñ maiñ tanhā vahāñ adū se vo ham-baġhal haiñ
kisī ke dam par banī huī hai kisī kī hasrat nikal rahī hai
ghaTā vo chhā.ī vo abr uTThā yahī to hai vaqt mai-kashī kā
bulāo 'shā.ir' ko hai kahāñ vo sharāb shīshe se Dhal rahī hai
bahaar aai hai phir chaman mein nasim iThla ke chal rahi hai
har ek ghuncha chaTak raha hai gulon ki rangat badal rahi hai
wo aa gae lo wo ji uTha main adu ki ummid-e-yas Thahri
ajab tamasha hai dil-lagi hai qaza khaDi hath mal rahi hai
batao dil dun na dun kaho to ajib nazuk moamla hai
idhar to dekho nazar milao ye kis ki shoKHi machal rahi hai
taDap raha hun yahan main tanha wahan adu se wo ham-baghal hain
kisi ke dam par bani hui hai kisi ki hasrat nikal rahi hai
ghaTa wo chhai wo abr uTTha yahi to hai waqt mai-kashi ka
bulao 'shair' ko hai kahan wo sharab shishe se Dhal rahi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
