bahaar aai taraqqi par hai sauda dam-ba-dam mera

bahār aa.ī taraqqī par hai saudā dam-ba-dam merā

baḌhā jaatā hai ḳhud zanjīr kī jānib qadam merā

likhā ye dāvar-e-mahshar ne merī fard-e-'isyāñ par

ye vo banda hai jis par naaz kartā hai karam merā

kashākash hai umīd-o-yās kī ye zindagī kyā hai

ilāhī aisī hastī se to achchhā thā 'adam merā

dil-e-ahbāb meñ ghar hai shagufta rahtī hai ḳhātir

yahī jannat hai merī aur yahī bāġh-e-iram merā

mujhe ahbāb kī pursish kī ġhairat maar Dālegī

qayāmat hai agar ifshā huā rāz-e-alam merā

khaḌī thiiñ rāsta roke hue lākhoñ tamannā.eñ

shahīd-e-yās thā niklā hai kis mushkil se dam merā

zabān-e-hāl se ye lakhna.ū kī ḳhaak kahtī hai

miTāyā gardish-e-aflāk ne jāh-o-hasham merā

bahaar aai taraqqi par hai sauda dam-ba-dam mera

baDha jata hai KHud zanjir ki jaanib qadam mera

likha ye dawar-e-mahshar ne meri fard-e-'isyan par

ye wo banda hai jis par naz karta hai karam mera

kashakash hai umid-o-yas ki ye zindagi kya hai

ilahi aisi hasti se to achchha tha 'adam mera

dil-e-ahbab mein ghar hai shagufta rahti hai KHatir

yahi jannat hai meri aur yahi bagh-e-iram mera

mujhe ahbab ki pursish ki ghairat mar Dalegi

qayamat hai agar ifsha hua raaz-e-alam mera

khaDi thin rasta roke hue lakhon tamannaen

shahid-e-yas tha nikla hai kis mushkil se dam mera

zaban-e-haal se ye lakhnau ki KHak kahti hai

miTaya gardish-e-aflak ne jah-o-hasham mera