bahaar ab ke bahut pairahan-darida sahi

bahār ab ke bahut pairahan-darīda sahī

ḳhizāñ kā jashn manāo fuġhāñ-rasīda sahī

rah-e-hayāt meñ Thahrāo maut ke misdāq

qadam baḌhāo agarche ki nā-rasīda sahī

niyāz-e-ishq kī nairañgiyāñ are tauba

fareb khāoge phir bhī fareb-dīda sahī

agar charāġh na jalte to dil jalā Daalo

kabhī to mo.ajiza-e-chashm-e-āb-dīda sahī

vafā hī apne muqaddar kā bām-o-dar Thahrī

hazār baar mohabbat sitam-rasīda sahī

ḳhushā-nasīb muḳhātab ko ḳhairiyat jaano

ye iltifāt-e-musalsal kaf-e-ramīda sahī

nayā nayā sā hī lagtā hai naqsh-e-jarrāhī

hazār baar tirā zaḳhm chashm-dīda sahī

ba-juz nadāmat-o-rusvā.ī kuchh nahīñ 'farhat'

tirā kalām shab-e-mah-ruḳh-e-damīda sahī

bahaar ab ke bahut pairahan-darida sahi

KHizan ka jashn manao fughan-rasida sahi

rah-e-hayat mein Thahrao maut ke misdaq

qadam baDhao agarche ki na-rasida sahi

niyaz-e-ishq ki nairangiyan are tauba

fareb khaoge phir bhi fareb-dida sahi

agar charagh na jalte to dil jala Dalo

kabhi to moajiza-e-chashm-e-ab-dida sahi

wafa hi apne muqaddar ka baam-o-dar Thahri

hazar bar mohabbat sitam-rasida sahi

KHusha-nasib muKHatab ko KHairiyat jaano

ye iltifat-e-musalsal kaf-e-ramida sahi

naya naya sa hi lagta hai naqsh-e-jarrahi

hazar bar tera zaKHm chashm-dida sahi

ba-juz nadamat-o-ruswai kuchh nahin 'farhat'

tera kalam shab-e-mah-ruKH-e-damida sahi