bahaar-e-gul se ab daur-e-KHizan tak

bahār-e-gul se ab daur-e-ḳhizāñ tak

kahāñ se baat aa pahuñchī kahāñ tak

kahāñ jā.eñge ab āḳhir yahāñ se

jo aa pahuñche tumhāre āstāñ tak

Dubo degā hameñ ḳhud nāḳhudā hī

na thā is kā kabhī vahm-o-gumāñ tak

rafū-gar aa ke bhī ab kyā siyegā

nahīñ dāman kī baaqī dhajjiyāñ tak

ġhazab hai jal gayā dil kā nasheman

nahīñ uTThā magar is se dhuāñ tak

pata dete haiñ kis kī azmatoñ kā

mah-o-anjum se rāh-e-kahkashāñ tak

tirā 'jāñbāz' ho kar Dagmagā.e

bhalā dār-o-rasan ke imtihāñ tak

bahaar-e-gul se ab daur-e-KHizan tak

kahan se baat aa pahunchi kahan tak

kahan jaenge ab aaKHir yahan se

jo aa pahunche tumhaare aastan tak

Dubo dega hamein KHud naKHuda hi

na tha is ka kabhi wahm-o-guman tak

rafu-gar aa ke bhi ab kya siyega

nahin daman ki baqi dhajjiyan tak

ghazab hai jal gaya dil ka nasheman

nahin uTTha magar is se dhuan tak

pata dete hain kis ki azmaton ka

mah-o-anjum se rah-e-kahkashan tak

tera 'jaanbaz' ho kar Dagmagae

bhala dar-o-rasan ke imtihan tak