bahaar-e-zaKHm-e-lab-e-atishin hui mujhse

Aatif Kamal Rana

bahaar-e-zaKHm-e-lab-e-atishin hui mujhse

Aatif Kamal Rana

MORE BYAatif Kamal Rana

    bahār-e-zaḳhm-e-lab-e-ātishīñ huī mujh se

    kahānī aur asar-āfrīñ huī mujh se

    maiñ ik sitāra uchhālā to nuur phail gayā

    shab-e-firāq yūñhī dil-nashīñ huī mujh se

    gulāb thā ki mahakne lagā mujhe chhū kar

    kalā.ī thī ki bahut marmarīñ huī mujh se

    baġhal se saañp nikāle to ho gayā badnām

    ḳharāb achchhī tarah āstīñ huī mujh se

    kahāñ se aa.ī hai ḳhushbū mujhe bhī hairat hai

    ye raat kaise gul-e-āsmīñ huī mujh se

    maiñ apne phuul khilā.e haiñ us jhāḌī par

    qabā-e-yār bahut reshmīñ huī mujh se

    bas ek bosa diyā thā kisī ke māthe par

    tamām-shahr raushan jabīñ huī mujh se

    ġhazal sunī to bahut dil se ḳhush huā 'ātif'

    magar ġhazal satā.ish nahīñ huī mujh se

    bahaar-e-zaKHm-e-lab-e-atishin hui mujh se

    kahani aur asar-afrin hui mujh se

    main ek sitara uchhaala to nur phail gaya

    shab-e-firaq yunhi dil-nashin hui mujh se

    gulab tha ki mahakne laga mujhe chhu kar

    kalai thi ki bahut marmarin hui mujh se

    baghal se sanp nikale to ho gaya badnam

    KHarab achchhi tarah aastin hui mujh se

    kahan se aai hai KHushbu mujhe bhi hairat hai

    ye raat kaise gul-e-asmin hui mujh se

    main apne phul khilae hain us ki jhaDi par

    qaba-e-yar bahut reshmin hui mujh se

    bas ek bosa diya tha kisi ke mathe par

    tamam-shahr ki raushan jabin hui mujh se

    ghazal suni to bahut dil se KHush hua 'atif'

    magar ghazal ki sataish nahin hui mujh se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY