bahr-e-ulfat ka kahin koi kinara hi nahin

bahr-e-ulfat kā kahīñ koī kinārā hī nahīñ

dasht-e-furqat kā dil-afroz nazārā hī nahīñ

ab na taḌpāo mujhe chāragarī kī ḳhātir

aa bhī jaao ki mujhe zabt kā yaarā hī nahīñ

maiñ ne paimān-e-vafā bāñdh liyā hai us se

jis ko ik lamha mirā saath gavārā hī nahīñ

milte hī pher liiñ is tarah nigāheñ sab ne

aisā lagtā hai koī un meñ hamārā hī nahīñ

apnī āshufta-sarī kā jo mudāvā kartā

asr-e-hāzir meñ koī aisā sahārā hī nahīñ

aisā kyā thā ki payambar use kahtī duniyā

dast-e-mānī ne koī naqsh ubhārā hī nahīñ

ham ne 'bismil' ġham-o-ālām se bai'at kar lī

mā-sivā in ke kisī ko bhī pukārā hī nahīñ

bahr-e-ulfat ka kahin koi kinara hi nahin

dasht-e-furqat ka dil-afroz nazara hi nahin

ab na taDpao mujhe chaaragari ki KHatir

aa bhi jao ki mujhe zabt ka yara hi nahin

main ne paiman-e-wafa bandh liya hai us se

jis ko ek lamha mera sath gawara hi nahin

milte hi pher lin is tarah nigahen sab ne

aisa lagta hai koi un mein hamara hi nahin

apni aashufta-sari ka jo mudawa karta

asr-e-hazir mein koi aisa sahaara hi nahin

aisa kya tha ki payambar use kahti duniya

dast-e-mani ne koi naqsh ubhaara hi nahin

hum ne 'bismil' gham-o-alam se bai'at kar li

ma-siwa in ke kisi ko bhi pukara hi nahin