bahta hua dariya hun kahin par tha kahin hun

bahtā huā dariyā huuñ kahīñ par thā kahīñ huuñ

maiñ lamha-e-maujūd kā pāband nahīñ huuñ

vābasta huuñ ik silsila-e-ishq se lekin

maiñ chāk-e-garebāñ huuñ na maiñ ḳhāk-nashīñ huuñ

ai dil-zadagānoñ ke masīhā mujhe batlāo

kyā maiñ tirī fihrist-e-dil-o-jāñ meñ kahīñ huuñ

maḳhsūs hai jo sirf tire husn-e-nazar se

us aañkh se dekhe koī mujh ko to hasīñ huuñ

dildār nigāhoñ ke ishāroñ se balā le

maiñ terī pahuñch se abhī bāhar bhī nahīñ huuñ

hai ab bhī vahī dil ke dhaḌakne kī kahānī

tū mujh ko jahāñ chhoḌ gayā thā maiñ vahīñ huuñ

bahta hua dariya hun kahin par tha kahin hun

main lamha-e-maujud ka paband nahin hun

wabasta hun ek silsila-e-ishq se lekin

main chaak-e-gareban hun na main KHak-nashin hun

ai dil-zadaganon ke masiha mujhe batlao

kya main teri fihrist-e-dil-o-jaan mein kahin hun

maKHsus hai jo sirf tere husn-e-nazar se

us aankh se dekhe koi mujh ko to hasin hun

dildar nigahon ke ishaaron se bala le

main teri pahunch se abhi bahar bhi nahin hun

hai ab bhi wahi dil ke dhaDakne ki kahani

tu mujh ko jahan chhoD gaya tha main wahin hun