bahut kaThin hai Dagar thoDi dur sath chalo

bahut kaThin hai Dagar thoḌī duur saath chalo

na.ī hai rāhguzar thoḌī duur saath chalo

hayāt bikhrī huī hai sameT lene do

maiñ sī luuñ chāk-e-jigar thoḌī duur saath chalo

abhī to duur hai manzil udaas raste haiñ

abhī na phero nazar thoḌī duur saath chalo

ḳhumār-e-ishq hai baaqī rag-e-shikasta meñ

nasha ye jaa.e utar thoḌī duur saath chalo

na aarzū na koī hausla na manzil hai

tumhī ho zauq-e-safar thoḌī duur saath chalo

siyāh raat musallat hai dil kī duniyā par

matā-e-nūr-e-sahar thoḌī duur saath chalo

na jaane Dor ye sāñsoñ kī TuuT jaa.e kab

kise hai us kī ḳhabar thoḌī duur saath chalo

tamām umr mirā saath de na pāoge

abhī to yaar magar thoḌī duur saath chalo

bahut kaThin hai Dagar thoDi dur sath chalo

nai hai rahguzar thoDi dur sath chalo

hayat bikhri hui hai sameT lene do

main si lun chaak-e-jigar thoDi dur sath chalo

abhi to dur hai manzil udas raste hain

abhi na phero nazar thoDi dur sath chalo

KHumar-e-ishq hai baqi rag-e-shikasta mein

nasha ye jae utar thoDi dur sath chalo

na aarzu na koi hausla na manzil hai

tumhi ho zauq-e-safar thoDi dur sath chalo

siyah raat musallat hai dil ki duniya par

mata-e-nur-e-sahar thoDi dur sath chalo

na jaane Dor ye sanson ki TuT jae kab

kise hai us ki KHabar thoDi dur sath chalo

tamam umr mera sath de na paoge

abhi to yar magar thoDi dur sath chalo