bahut malul hun ghamgin hun udas hun main

bahut malūl huuñ ġhamgīn huuñ udaas huuñ maiñ

mujhe yaqīn nahīñ hai ki tere paas huuñ maiñ

bhulānā chāhoge lekin bhulā na pāoge

ki ab tumhārī kahānī kā iqtibās huuñ maiñ

zamāna chheḌegā mujh ko to mujh se kyā legā

kisī ġharīb kī TuuTī huī sī aas huuñ maiñ

mujhe kisī ne bhī luTte hue nahīñ dekhā

ki TūTā-TūTā huuñ zaḳhmī huuñ bad-havās huuñ maiñ

na ab uThātā hai koī na muñh lagātā hai

sharāb-ḳhāne kā TuuTā huā gilās huuñ maiñ

maiñ chehre paḌh liyā kartā huuñ dekh kar 'manzar'

maiñ ġham samajhtā huuñ sab kā ki ġham-shanās huuñ maiñ

bahut malul hun ghamgin hun udas hun main

mujhe yaqin nahin hai ki tere pas hun main

bhulana chahoge lekin bhula na paoge

ki ab tumhaari kahani ka iqtibas hun main

zamana chheDega mujh ko to mujh se kya lega

kisi gharib ki TuTi hui si aas hun main

mujhe kisi ne bhi luTte hue nahin dekha

ki TuTa-TuTa hun zaKHmi hun bad-hawas hun main

na ab uThata hai koi na munh lagata hai

sharab-KHane ka TuTa hua gilas hun main

main chehre paDh liya karta hun dekh kar 'manzar'

main gham samajhta hun sab ka ki gham-shanas hun main