bahut mushkil ki KHwahish ko kabhi aasan nahin dekha

bahut mushkil kī ḳhvāhish ko kabhī āsāñ nahīñ dekhā

nayā insāñ banāne meñ koī insāñ nahīñ dekhā

vahāñ barsāt dekhī hai jahāñ imkāñ nahīñ dekhā

abhī tak is pur-ummīdī ne registāñ nahīñ dekhā

gumāñ guzre ta'alluq par ki jab tark-e-ta'alluq par

mujhe ronā nahīñ aayā use hairāñ nahīñ dekhā

agarche dekhte rahte haiñ par dekhā nahīñ jaatā

ka.ī vīrāniyāñ dekhī haiñ ghar vīrāñ nahīñ dekhā

nigāheñ saarī un pe haiñ ta'ajjub saarā ham pe hai

to kyā sach meñ nahīñ dekhā are haañ haañ nahīñ dekhā

nazar tum ne gañvā dī hai magar āñkheñ to baaqī haiñ

bahut mumkin hai tum ne bhī ruḳh-e-jānāñ nahīñ dekhā

bahut mushkil ki KHwahish ko kabhi aasan nahin dekha

naya insan banane mein koi insan nahin dekha

wahan barsat dekhi hai jahan imkan nahin dekha

abhi tak is pur-ummidi ne registan nahin dekha

guman guzre ta'alluq par ki jab tark-e-ta'alluq par

mujhe rona nahin aaya use hairan nahin dekha

agarche dekhte rahte hain par dekha nahin jata

kai viraniyan dekhi hain ghar viran nahin dekha

nigahen sari un pe hain ta'ajjub sara hum pe hai

to kya sach mein nahin dekha are han han nahin dekha

nazar tum ne ganwa di hai magar aankhen to baqi hain

bahut mumkin hai tum ne bhi ruKH-e-jaanan nahin dekha