bahut mushkil tha mujhko rah ka hamwar kar dena

bahut mushkil thā mujh ko raah kā hamvār kar denā

to maiñ ne tai kiyā is dasht ko dīvār kar denā

to kyuuñ is baar us ne mere aage sar jhukāyā hai

use to aaj bhī mushkil na thā inkār kar denā

phir āḳhirkār ye sābit huā manzūr thā tujh ko

hamāre arsa-e-hastī ko bas bekār kar denā

use hai roz paanī kī tarah merī taraf aanā

aur apne jism ko kuchh aur ātish-bār kar denā

vo us kā raat bhar tāmīr karnā mujh ko mushkil se

magar phir sub.h se pahle mujhe mismār kar denā

bahut mushkil tha mujh ko rah ka hamwar kar dena

to main ne tai kiya is dasht ko diwar kar dena

to kyun is bar us ne mere aage sar jhukaya hai

use to aaj bhi mushkil na tha inkar kar dena

phir aaKHirkar ye sabit hua manzur tha tujh ko

hamare arsa-e-hasti ko bas bekar kar dena

use hai roz pani ki tarah meri taraf aana

aur apne jism ko kuchh aur aatish-bar kar dena

wo us ka raat bhar tamir karna mujh ko mushkil se

magar phir subh se pahle mujhe mismar kar dena