bahut na hausala-e-izz-o-jah mujhse hua

Afzal Ahmad Syed

bahut na hausala-e-izz-o-jah mujhse hua

Afzal Ahmad Syed

MORE BY Afzal Ahmad Syed

    bahut na hausala-e-izz-o-jāh mujh se huā

    faqat farāz-e-nagīn-o-nigāh mujh se huā

    charāġh-e-shab ne mujhe apne ḳhvāb meñ dekhā

    sitāra-e-saharī ḳhush-nigāh mujh se huā

    giraft-e-kūzā se ik ḳhaak merī samt baḌhī

    saf-e-sarāb koī sadd-e-rāh mujh se huā

    shab-e-fasāna-o-farsañg us se mil aayā

    jo māvarā-e-safed-o-siyāh mujh se huā

    sar-e-gurez-o-gumāñ us ne imtihān liyā

    jo ham-kanār mirā kam-nigāh mujh se huā

    Kamān-e-ḳhāna-e-aflāk ke muqābil bhī

    maiñ us se aur vo phir kaj-kulāh mujh se huā

    jo sail-e-hijrat-e-gul thā mire qadam se rukā

    kamand lamha-e-sad-ishtibāh mujh se huā

    niyām-zad na huī mujh se teġh-e-hairānī

    shikaste-e-ā.ina-e-intibāh mujh se huā

    bahut na hausala-e-izz-o-jah mujh se hua

    faqat faraaz-e-nagin-o-nigah mujh se hua

    charagh-e-shab ne mujhe apne KHwab mein dekha

    sitara-e-sahari KHush-nigah mujh se hua

    giraft-e-kuza se ek KHak meri samt baDhi

    saf-e-sarab koi sadd-e-rah mujh se hua

    shab-e-fasana-o-farsang us se mil aaya

    jo mawara-e-safed-o-siyah mujh se hua

    sar-e-gurez-o-guman us ne imtihan liya

    jo ham-kanar mera kam-nigah mujh se hua

    Kaman-e-KHana-e-aflak ke muqabil bhi

    main us se aur wo phir kaj-kulah mujh se hua

    jo sail-e-hijrat-e-gul tha mere qadam se ruka

    kamand lamha-e-sad-ishtibah mujh se hua

    niyam-zad na hui mujh se tegh-e-hairani

    shikaste-e-aina-e-intibah mujh se hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY