bahut qarine ki zindagi thi ajab qayamat mein aa basa hun

Azm Bahzad

bahut qarine ki zindagi thi ajab qayamat mein aa basa hun

Azm Bahzad

MORE BYAzm Bahzad

    bahut qarīne zindagī thī ajab qayāmat meñ aa basā huuñ

    sukūn sub.h chāhtā thā so shām-e-vahshat meñ aa basā huuñ

    maiñ apnī añgusht kāTtā thā ki biich meñ niiñd aa na jaa.e

    agarche sab ḳhvāb safar thā magar haqīqat meñ aa basā huuñ

    visāl-e-fardā justujū meñ nashāt-e-imroz ghaT rahā hai

    ye kis talab meñ ghirā huā huuñ ye kis aziyyat meñ aa basā huuñ

    yahāñ to be-fursatī ke hāthoñ vo pā.emālī huī hai merī

    ki jis se milne aarzū thī usī furqat meñ aa basā huuñ

    kahāñ duniyā kahāñ sāñseñ ki sab fareb-e-havās niklā

    jazā muddat samajh rahā thā sazā mohlat meñ aa basā huuñ

    savāl karne ke hausle se javāb dene ke faisle tak

    jo vaqfa-e-sabr aa gayā thā usī lazzat meñ aa basā huuñ

    ye un se kahnā jo merī chup se hazār bāteñ banā rahe the

    maiñ apne sho.ale ko chukā huuñ maiñ apnī shiddat meñ aa basā huuñ

    bahut qarine ki zindagi thi ajab qayamat mein aa basa hun

    sukun ki subh chahta tha so sham-e-wahshat mein aa basa hun

    main apni angusht kaTta tha ki bich mein nind aa na jae

    agarche sab KHwab ka safar tha magar haqiqat mein aa basa hun

    visal-e-farda ki justuju mein nashat-e-imroz ghaT raha hai

    ye kis talab mein ghira hua hun ye kis aziyyat mein aa basa hun

    yahan to be-fursati ke hathon wo paemali hui hai meri

    ki jis se milne ki aarzu thi usi ki furqat mein aa basa hun

    kahan ki duniya kahan ki sansen ki sab fareb-e-hawas nikla

    jaza ki muddat samajh raha tha saza ki mohlat mein aa basa hun

    sawal karne ke hausle se jawab dene ke faisle tak

    jo waqfa-e-sabr aa gaya tha usi ki lazzat mein aa basa hun

    ye un se kahna jo meri chup se hazar baaten bana rahe the

    main apne shoale ko pa chuka hun main apni shiddat mein aa basa hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY