bahut sajae the aankhon mein KHwab maine bhi

bahut sajā.e the āñkhoñ meñ ḳhvāb maiñ ne bhī

sahe haiñ us ke liye ye azaab maiñ ne bhī

judā.iyoñ kī ḳhalish us ne bhī na zāhir kī

chhupā.e apne ġham o iztirāb maiñ ne bhī

diye bujhā ke sar-e-shām so gayā thā vo

bitā.ī so ke shab-e-māhtāb maiñ ne bhī

yahī nahīñ ki mujhe us ne dard-e-hijr diyā

judā.iyoñ kā diyā hai javāb maiñ ne bhī

kisī ne ḳhuun meñ tar chūḌiyāñ jo bhejī haiñ

likhī hai ḳhūn-e-jigar se kitāb maiñ ne bhī

ḳhizāñ kā vaar bahut kār-gar thā dil pe magar

bahut bachā ke rakhā ye gulāb maiñ ne bhī

bahut sajae the aankhon mein KHwab main ne bhi

sahe hain us ke liye ye azab main ne bhi

judaiyon ki KHalish us ne bhi na zahir ki

chhupae apne gham o iztirab main ne bhi

diye bujha ke sar-e-sham so gaya tha wo

bitai so ke shab-e-mahtab main ne bhi

yahi nahin ki mujhe us ne dard-e-hijr diya

judaiyon ka diya hai jawab main ne bhi

kisi ne KHun mein tar chuDiyan jo bheji hain

likhi hai KHun-e-jigar se kitab main ne bhi

KHizan ka war bahut kar-gar tha dil pe magar

bahut bacha ke rakha ye gulab main ne bhi