bahut waqif hain lab-e-ah-o-fughan se
bahut waqif hain lab-e-ah-o-fughan se
Gorbachan Singh Dayal Maghmum
MORE BYGorbachan Singh Dayal Maghmum
bahut vāqif haiñ lab-e-āh-o-fuġhāñ se
tabassum hai kahāñ lā.ūñ kahāñ se
tasavvur bhuul jaatā hai ḳhudā ko
ye Takrāyā hai jab āh-o-fuġhāñ se
yaqīñ hone ko hai māyūsiyoñ par
tavaqqo' uTh rahī hai āsmāñ se
muqaffal ho zabāñ jis be-navā kī
vo kyuuñ kar kyā kahe apnī zabāñ se
kahe kuchh bhī magar pur-soz hogā
hameñ ummīd hai apnī zabāñ se
ilāhī ḳhair mere āshiyāñ kī
dhuāñ sā uTh rahā hai gulsitāñ se
kahīñ dhoka na ho 'maġhmūm' ye bhī
nazar aate haiñ kuchh dhuñdle nishāñ se
bahut waqif hain lab-e-ah-o-fughan se
tabassum hai kahan laun kahan se
tasawwur bhul jata hai KHuda ko
ye Takraya hai jab aah-o-fughan se
yaqin hone ko hai mayusiyon par
tawaqqo' uTh rahi hai aasman se
muqaffal ho zaban jis be-nawa ki
wo kyun kar kya kahe apni zaban se
kahe kuchh bhi magar pur-soz hoga
hamein ummid hai apni zaban se
ilahi KHair mere aashiyan ki
dhuan sa uTh raha hai gulsitan se
kahin dhoka na ho 'maghmum' ye bhi
nazar aate hain kuchh dhundle nishan se
Source:
SAAZ-O-NAVA (Pg. 254)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
