bahut zamin bahut aasman milenge tumhein

Farhat Ehsas

bahut zamin bahut aasman milenge tumhein

Farhat Ehsas

MORE BY Farhat Ehsas

    bahut zamīn bahut āsmāñ mileñge tumheñ

    pa ham se ḳhaak ke putle kahāñ mileñge tumheñ

    ḳharīd lo abhī bāzār meñ na.e haiñ ham

    ki ba.ad meñ to bahut garāñ mileñge tumheñ

    ab ibtidā-e-safar hai to jo hai kah sun lo

    ham us ke ba.ad na jaane kahāñ mileñge tumheñ

    jo rāste meñ mile koī masjid-e-vīrāñ

    to ham vahīñ kahīñ vaqt-e-azāñ mileñge tumheñ

    ham intihā meñ mileñge gar ibtidā meñ nahīñ

    nahīñ vahāñ bhī to phir darmiyāñ mileñge tumheñ

    Thahar jā.eñge āḳhir kahīñ janāb-'ehsās'

    par apne sher meñ yuuñ ravāñ mileñge tumheñ

    bahut zamin bahut aasman milenge tumhein

    pa hum se KHak ke putle kahan milenge tumhein

    KHarid lo abhi bazar mein nae hain hum

    ki baad mein to bahut hi garan milenge tumhein

    ab ibtida-e-safar hai to jo hai kah sun lo

    hum us ke baad na jaane kahan milenge tumhein

    jo raste mein mile koi masjid-e-viran

    to hum wahin kahin waqt-e-azan milenge tumhein

    hum intiha mein milenge gar ibtida mein nahin

    nahin wahan bhi to phir darmiyan milenge tumhein

    Thahar hi jaenge aaKHir kahin janab-'ehsas'

    par apne sher mein yun hi rawan milenge tumhein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY