bahut zi-fahm hain duniya ko lekin kam samajhte hain!

bahut zī-fahm haiñ duniyā ko lekin kam samajhte haiñ!

ajab qissa hai sab kuchh jaan kar mub.ham samajhte haiñ

havā.eñ tez-tar haiñ aaj bādal aane vaale haiñ

taḌapte sard jhoñkoñ ko bhī sab mausam samajhte haiñ

zamīñ karvaT badaltī hai na.e rañgoñ meñ Dhaltī hai

nujūmī kis tarah duniyā ke pech-o-ḳham samajhte haiñ

falak ġhā.eb huā ye chāñd taare ḳhāk-dāñ se haiñ

inheñ bhī log ik duniyā nayā aalam samajhte haiñ

bahut dānā-e-rāz aa.e hazāroñ nukta-dāñ aa.e

samajhne ke liye vo zindagī ko ġham samajhte haiñ

huī taḳhlīq kaise aaj tak koī nahīñ samjhā

nikāle kab ga.e ye hazrat aadam samajhte haiñ

na koī ashk-shoī hai na chehra zard hai 'bāqar'

hamārī ḳhāmushī ko phir bhī vo mātam samajhte haiñ

bahut zi-fahm hain duniya ko lekin kam samajhte hain!

ajab qissa hai sab kuchh jaan kar mubham samajhte hain

hawaen tez-tar hain aaj baadal aane wale hain

taDapte sard jhonkon ko bhi sab mausam samajhte hain

zamin karwaT badalti hai nae rangon mein Dhalti hai

nujumi kis tarah duniya ke pech-o-KHam samajhte hain

falak ghaeb hua ye chand tare KHak-dan se hain

inhen bhi log ek duniya naya aalam samajhte hain

bahut dana-e-raaz aae hazaron nukta-dan aae

samajhne ke liye wo zindagi ko gham samajhte hain

hui taKHliq kaise aaj tak koi nahin samjha

nikale kab gae ye hazrat aadam samajhte hain

na koi ashk-shoi hai na chehra zard hai 'baqar'

hamari KHamushi ko phir bhi wo matam samajhte hain