aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baiTh jata hun jahan chhanw ghani hoti hai

Hafeez Jaunpuri

baiTh jata hun jahan chhanw ghani hoti hai

Hafeez Jaunpuri

MORE BYHafeez Jaunpuri

    baiTh jaatā huuñ jahāñ chhāñv ghanī hotī hai

    haa.e kyā chiiz ġharīb-ul-vatanī hotī hai

    nahīñ marte haiñ to iizā nahīñ jhelī jaatī

    aur marte haiñ to paimāñ-shikanī hotī hai

    din ko ik nuur barastā hai mirī turbat par

    raat ko chādar-e-mahtāb tanī hotī hai

    tum bichhaḌte ho jo ab karb na ho vo kam hai

    dam nikaltā hai to a.azā-shikanī hotī hai

    zinda dar-gor ham aise jo haiñ marne vaale

    jīte-jī un ke gale meñ kafanī hotī hai

    rut badalte badal jaatī hai niyyat merī

    jab bahār aatī hai tauba-shikanī hotī hai

    ġhair ke bas meñ tumheñ sun ke ye kah uThtā huuñ

    aisī taqdīr bhī allāh ġhanī hotī hai

    na baḌhe baat agar khul ke kareñ vo bāteñ

    bā.is-e-tūl-e-suḳhan kam-suḳhanī hotī hai

    luT gayā vo tire kūche meñ dharā jis ne qadam

    is tarah bhī kahīñ rāhzanī hotī hai

    husn vāloñ ko zid aa jaa.e ḳhudā ye na kare

    kar guzarte haiñ jo kuchh meñ Thanī hotī hai

    hijr meñ zahr hai sāġhar lagānā muñh se

    mai jo buuñd hai hiire kanī hotī hai

    mai-kashoñ ko na kabhī fikr-e-kam-o-besh rahī

    aise logoñ tabī'at bhī ġhanī hotī hai

    huuk uThtī hai agar zabt-e-fuġhāñ kartā huuñ

    saañs ruktī hai to barchhī anī hotī hai

    aks un pe nazar aa.ine pe un nigāh

    do kamāñ-dāroñ meñ nāvak-faganī hotī hai

    lo do ghūñT ki saaqī rahe baat 'hafīz'

    saaf inkār se ḳhātir-shikanī hotī hai

    baiTh jata hun jahan chhanw ghani hoti hai

    hae kya chiz gharib-ul-watani hoti hai

    nahin marte hain to iza nahin jheli jati

    aur marte hain to paiman-shikani hoti hai

    din ko ek nur barasta hai meri turbat par

    raat ko chadar-e-mahtab tani hoti hai

    tum bichhaDte ho jo ab karb na ho wo kam hai

    dam nikalta hai to aaza-shikani hoti hai

    zinda dar-gor hum aise jo hain marne wale

    jite-ji un ke gale mein kafani hoti hai

    rut badalte hi badal jati hai niyyat meri

    jab bahaar aati hai tauba-shikani hoti hai

    ghair ke bas mein tumhein sun ke ye kah uThta hun

    aisi taqdir bhi allah ghani hoti hai

    na baDhe baat agar khul ke karen wo baaten

    bais-e-tul-e-suKHan kam-suKHani hoti hai

    luT gaya wo tere kuche mein dhara jis ne qadam

    is tarah ki bhi kahin rahzani hoti hai

    husn walon ko zid aa jae KHuda ye na kare

    kar guzarte hain jo kuchh ji mein Thani hoti hai

    hijr mein zahr hai saghar ka lagana munh se

    mai ki jo bund hai hire ki kani hoti hai

    mai-kashon ko na kabhi fikr-e-kam-o-besh rahi

    aise logon ki tabi'at bhi ghani hoti hai

    huk uThti hai agar zabt-e-fughan karta hun

    sans rukti hai to barchhi ki ani hoti hai

    aks ki un pe nazar aaine pe un ki nigah

    do kaman-daron mein nawak-fagani hoti hai

    pi lo do ghunT ki saqi ki rahe baat 'hafiz'

    saf inkar se KHatir-shikani hoti hai

    RECITATIONS

    Nomaan Shauque

    Nomaan Shauque,

    Nomaan Shauque

    baiTh jata hun jahan chhanw ghani hoti hai Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now