baiThe hain dil ke dahr ko viran kiye hue
baiThe haiñ dil ke dahr ko vīrāñ kiye hue
phir tum ko bhuul jaane kā paimāñ kiye hue
jo qāfile ga.e the tujhe bhūlne ko jaañ
lauTe haiñ ḳhud ko mujrim-e-yazdāñ kiye hue
pī kar ke jo bhī thī tire sāġhar meñ sāqiyā
baiThe haiñ zindagī ko gulistāñ kiye hue
ham dekhne ga.e the ki kaliyoñ kā kyā banā
guzrī thī raat ham ko hirāsāñ kiye hue
dekhā thā tere 'ishq meñ us 'kaif' ko kahīñ
hāthoñ meñ tār-tār garebāñ kiye hue
baiThe hain dil ke dahr ko viran kiye hue
phir tum ko bhul jaane ka paiman kiye hue
jo qafile gae the tujhe bhulne ko jaan
lauTe hain KHud ko mujrim-e-yazdan kiye hue
pi kar ke jo bhi thi tere saghar mein saqiya
baiThe hain zindagi ko gulistan kiye hue
hum dekhne gae the ki kaliyon ka kya bana
guzri thi raat hum ko hirasan kiye hue
dekha tha tere 'ishq mein us 'kaif' ko kahin
hathon mein tar-tar gareban kiye hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
