baiThe haiñ gulsitān meñ himmat ko haar ke
un se sulajh sakeñge na gesū bahār ke
vāraftagī-e-shauq kā aalam to dekhiye
baiThā huā huuñ bazm-e-tamannā sañvār ke
rag rag meñ maujzan hai mirī kaif-e-iztirāb
o yaad aane vaale shab-e-intizār ke
nairañgī-e-junūñ ke karishme to dekhiye
sāmān ho rahe haiñ qafas meñ bahār ke
āġhosh-e-inqalāb meñ paltī rahī hayāt
ehsān haiñ ye gardish-e-lail-o-nahār ke
ahl-e-chaman chaman kī fazāoñ se hoshiyār
pahre jagah jagah pe haiñ barq-o-sharār ke
tanzīm-e-hādsāt kā naqsha badal diyā
nazm-e-jahāñ kī zulf-e-pareshāñ sañvār ke
ġhaflat-shi.ār-e-vaqt na bedār ho sake
ḳhāmosh ho gayā hai zamāna pukār ke
baḌhtā hai ġham kī samt masarrat se ai 'kamāl'
allah re hausle dil-e-ummīd-vār ke
baiThe hain gulsitan mein himmat ko haar ke
un se sulajh sakenge na gesu bahaar ke
waraftagi-e-shauq ka aalam to dekhiye
baiTha hua hun bazm-e-tamanna sanwar ke
rag rag mein maujzan hai meri kaif-e-iztirab
o yaad aane wale shab-e-intizar ke
nairangi-e-junun ke karishme to dekhiye
saman ho rahe hain qafas mein bahaar ke
aaghosh-e-inqalab mein palti rahi hayat
ehsan hain ye gardish-e-lail-o-nahaar ke
ahl-e-chaman chaman ki fazaon se hoshiyar
pahre jagah jagah pe hain barq-o-sharar ke
tanzim-e-hadsat ka naqsha badal diya
nazm-e-jahan ki zulf-e-pareshan sanwar ke
ghaflat-shiar-e-waqt na bedar ho sake
KHamosh ho gaya hai zamana pukar ke
baDhta hai gham ki samt masarrat se ai 'kamal'
allah re hausle dil-e-ummid-war ke
Source:
Lahja-e-Ghazal (Pg. 53)
-
Author:
Kamal Lakhnavi
-
- Publisher: Kamal Lakhnavi
- Year of Publication: 1986
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.