baiThe hain jahan saqi paimana-e-zar le kar

Ali Sardar Jafri

baiThe hain jahan saqi paimana-e-zar le kar

Ali Sardar Jafri

MORE BYAli Sardar Jafri

    baiThe haiñ jahāñ saaqī paimāna-e-zar le kar

    us bazm se uTh aa.e ham dīda-e-tar le kar

    yādoñ se tirī raushan mehrāb-e-shab-e-hijrāñ

    DhūñDheñge tujhe kab tak qindīl-e-qamar le kar

    kyā husn hai duniyā meñ kyā lutf hai jiine meñ

    dekhe to koī merā andāz-e-nazar le kar

    hotī hai zamāne meñ kis tarah pazīrā.ī

    niklo to zarā ghar se ik zauq-e-safar le kar

    rāheñ chamak uTTheñgī ḳhurshīd mash.al se

    hamrāh sabā hogī ḳhushbū-e-sahar le kar

    maḳhmal bichhā deñge qadmoñ ke tale sāhil

    dariyā ubal ā.eñge sad-mauj-e-guhar le kar

    pahnā.eñge taaj apnā peḌoñ ke ghane saa.e

    nikleñge shajar apne ḳhush-rañg samar le kar

    lapkeñge gale milne sarv aur sanobar sab

    uTheñge gulistāñ bhī shāḳh-e-gul-e-tar le kar

    hañste hue shahroñ āvāz bulā.egī

    lab jaam ke chamkeñge sau sho.ala-e-tar le kar

    aflāk bajā.eñge saaz apne sitāroñ

    gā.eñge bahut lamhe anfās-e-sharar le kar

    ye ālam-e-ḳhākī ik sayyāra-e-raushan hai

    aflāk se Takrā do taqdīr-e-bashar le kar

    baiThe hain jahan saqi paimana-e-zar le kar

    us bazm se uTh aae hum dida-e-tar le kar

    yaadon se teri raushan mehrab-e-shab-e-hijran

    DhunDhenge tujhe kab tak qindil-e-qamar le kar

    kya husn hai duniya mein kya lutf hai jine mein

    dekhe to koi mera andaz-e-nazar le kar

    hoti hai zamane mein kis tarah pazirai

    niklo to zara ghar se ek zauq-e-safar le kar

    rahen chamak uTThengi KHurshid ki mashal se

    hamrah saba hogi KHushbu-e-sahar le kar

    maKHmal si bichha denge qadmon ke tale sahil

    dariya ubal aaenge sad-mauj-e-guhar le kar

    pahnaenge taj apna peDon ke ghane sae

    niklenge shajar apne KHush-rang samar le kar

    lapkenge gale milne sarw aur sanobar sab

    uThenge gulistan bhi shaKH-e-gul-e-tar le kar

    hanste hue shahron ki aawaz bulaegi

    lab jam ke chamkenge sau shoala-e-tar le kar

    aflak bajaenge saz apne sitaron ka

    gaenge bahut lamhe anfas-e-sharar le kar

    ye aalam-e-KHaki ek sayyara-e-raushan hai

    aflak se Takra do taqdir-e-bashar le kar

    Source :
    • Book : Kulliyat-e-Ali Sardar Jafri Vol.II (Pg. 360)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now