baja ki lutf hai duniya mein shor karne ka
bajā ki lutf hai duniyā meñ shor karne kā
nasha kuchh aur hai gum-nām maut marne kā
abas hai zo.am samundar ke paar utarne kā
ye silsila hai faqat Dūbne ubharne kā
ajab samāñ thā ki tazlīl bhī thī kaif-añgez
vo merā vaqt tirī sīḌhiyāñ utarne kā
kafan meñ paañv hileñ pairahan meñ laash chale
hamārā ahd na jiine kā hai na marne kā
ye āgahī kā maraz lā-ilāj hai baabā
buḳhār utarne kā hai ye na zaḳhm bharne kā
yahī vo sā.at-e-fan jis meñ aap hoñ na muḳhil
yahī hai vaqt magar ham se baat karne kā
sabhī ne pyaar se sarf-e-nazar kiyā ham ko
na aayā 'sāz' tarīqa hameñ akharne kā
baja ki lutf hai duniya mein shor karne ka
nasha kuchh aur hai gum-nam maut marne ka
abas hai zoam samundar ke par utarne ka
ye silsila hai faqat Dubne ubharne ka
ajab saman tha ki tazlil bhi thi kaif-angez
wo mera waqt teri siDhiyan utarne ka
kafan mein panw hilen pairahan mein lash chale
hamara ahd na jine ka hai na marne ka
ye aagahi ka maraz la-ilaj hai baba
buKHar utarne ka hai ye na zaKHm bharne ka
yahi wo saat-e-fan jis mein aap hon na muKHil
yahi hai waqt magar hum se baat karne ka
sabhi ne pyar se sarf-e-nazar kiya hum ko
na aaya 'saz' tariqa hamein akharne ka
Source:
sargoshiyan zamanon ki (Pg. 48)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
