baKHsha gaya hai dil ko wo saman-e-agahi

baḳhshā gayā hai dil ko vo sāmān-e-āgahī

hairat-kada hai dahr ba-unvān-e-āgahī

aa.ī bahār jaib-o-garebāñ pe haath hai

ho jaa.e taar taar na dāmān-e-āgahī

ik vahm hai ki paañv meñ Daale hai beḌiyāñ

ik azm hai ki kuchh nahīñ zindān-e-āgahī

nai mausam-e-bahār hai nai bād-e-kū-e-yār

mahkā gayā hai kaun shabistān-e-āgahī

dil munharif ḳhayāl-e-ġhalat pur-havas nigāh

dushman bane hue haiñ bahī-ḳhvān-e-āgahī

īmān muzmahil hai aqīdat lahū lahū

ho jaa.e paash paash na īqān-e-āgahī

tūfān-e-tund-o-tez sahī dekhte raho

bujhne na paa.e sham.a farozān-e-āgahī

baKHsha gaya hai dil ko wo saman-e-agahi

hairat-kada hai dahr ba-unwan-e-agahi

aai bahaar jaib-o-gareban pe hath hai

ho jae tar tar na daman-e-agahi

ek wahm hai ki panw mein Dale hai beDiyan

ek azm hai ki kuchh nahin zindan-e-agahi

nai mausam-e-bahaar hai nai baad-e-ku-e-yar

mahka gaya hai kaun shabistan-e-agahi

dil munharif KHayal-e-ghalat pur-hawas nigah

dushman bane hue hain bahi-KHwan-e-agahi

iman muzmahil hai aqidat lahu lahu

ho jae pash pash na iqan-e-agahi

tufan-e-tund-o-tez sahi dekhte raho

bujhne na pae shama farozan-e-agahi