bala ka shor-o-fughan hai nihan KHamoshi mein

Mukarram Husain Awan Zamzam

bala ka shor-o-fughan hai nihan KHamoshi mein

Mukarram Husain Awan Zamzam

MORE BYMukarram Husain Awan Zamzam

    balā shor-o-fuġhāñ hai nihāñ ḳhamoshī meñ

    maiñ khul ke sāmne aayā huuñ parda-poshī meñ

    nigāh-e-adl se dekheñ to mīr-e-mahfil ke

    jalāl-o-māl muāvin haiñ aib-poshī meñ

    maiñ tan huuñ shah-e-rag-e-jāñ ko mujhe bachānā hai

    chalā huuñ jānib-e-kashmīr sarfaroshī meñ

    jis imbisāt se suqrāt gayā thā jaam

    use yaqīn thā amrit hai zahr-noshī meñ

    ye kyā ki zo.am-e-qazāvat meñ qaid kar liyā hai

    koī to aib nikāleñ janāb doshī meñ

    tumhārī aañkh se miltā hai jo zamāne ko

    kahāñ surūr hai aisā sharāb-noshī meñ

    yatīm-e-tāza ko ye nāgavār guzregī

    azā baat na kar rasm-e-tāj-poshī meñ

    bala ka shor-o-fughan hai nihan KHamoshi mein

    main khul ke samne aaya hun parda-poshi mein

    nigah-e-adl se dekhen to mir-e-mahfil ke

    jalal-o-mal muawin hain aib-poshi mein

    main tan hun shah-e-rag-e-jaan ko mujhe bachana hai

    chala hun jaanib-e-kashmir sarfaroshi mein

    jis imbisat se suqraat pi gaya tha jam

    use yaqin tha amrit hai zahr-noshi mein

    ye kya ki zoam-e-qazawat mein qaid kar liya hai

    koi to aib nikalen janab doshi mein

    tumhaari aankh se milta hai jo zamane ko

    kahan surur hai aisa sharab-noshi mein

    yatim-e-taza ko ye nagawar guzregi

    aza ki baat na kar rasm-e-taj-poshi mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY