ban ke duniya ka tamasha moatabar ho jaenge

Saleem Ahmed

ban ke duniya ka tamasha moatabar ho jaenge

Saleem Ahmed

MORE BYSaleem Ahmed

    ban ke duniyā tamāshā mo'atabar ho jā.eñge

    sab ko hañstā dekh kar ham chashm-e-tar ho jā.eñge

    mujh ko qadroñ ke badalne se ye hogā fā.eda

    mere jitne aib haiñ saare hunar ho jā.eñge

    aaj apne jism ko jis qadar chāhe chhupā

    rafta rafta tere kapḌe muḳhtasar ho jā.eñge

    rafta rafta un se uḌ jā.egī yakjā.ī

    aaj jo ghar meñ vo sab dīvār-o-dar ho jā.eñge

    aate jaate rahravoñ ko dekhtā huuñ is tarah

    raah chalte log jaise ham-safar ho jā.eñge

    aadmī ḳhud apne andar karbalā ban jā.egā

    saare jazbe ḳhair ke nezoñ pe sar ho jā.eñge

    garmi-e-raftār se vo aag hai zer-e-qadam

    mere naqsh-e-pā charāġh-e-rahguzar ho jā.eñge

    kaise qisse the ki chhiḌ jaa.eñ to uḌ jaatī thī niiñd

    kyā ḳhabar thī vo bhī harf-e-muḳhtasar ho jā.eñge

    kyā kaheñ aise taqāze haiñ mohabbat ke to ham

    apnī betābī se ham raqs-e-sharar ho jā.eñge

    ek saa.at aisī aa.egī ki ye vasl o firāq

    mere rañg-e-be-dilī se yak-digar ho jā.eñge

    kāḳh-o-kū-e-ahl-e-daulat binā hai ret par

    ik dhamāke se ye sab zer-o-zabar ho jā.eñge

    ye ajab shab hai unheñ sone na do varna 'salīm'

    ḳhvāb bachchoñ ke liye vahshat-asar ho jā.eñge

    ban ke duniya ka tamasha mo'atabar ho jaenge

    sab ko hansta dekh kar hum chashm-e-tar ho jaenge

    mujh ko qadron ke badalne se ye hoga faeda

    mere jitne aib hain sare hunar ho jaenge

    aaj apne jism ko tu jis qadar chahe chhupa

    rafta rafta tere kapDe muKHtasar ho jaenge

    rafta rafta un se uD jaegi yakjai ki bu

    aaj jo ghar mein wo sab diwar-o-dar ho jaenge

    aate jate rahrawon ko dekhta hun is tarah

    rah chalte log jaise ham-safar ho jaenge

    aadmi KHud apne andar karbala ban jaega

    sare jazbe KHair ke nezon pe sar ho jaenge

    garmi-e-raftar se wo aag hai zer-e-qadam

    mere naqsh-e-pa charagh-e-rahguzar ho jaenge

    kaise qisse the ki chhiD jaen to uD jati thi nind

    kya KHabar thi wo bhi harf-e-muKHtasar ho jaenge

    kya kahen aise taqaze hain mohabbat ke to hum

    apni betabi se hum raqs-e-sharar ho jaenge

    ek saat aisi aaegi ki ye wasl o firaq

    mere rang-e-be-dili se yak-digar ho jaenge

    kaKH-o-ku-e-ahl-e-daulat ki bina hai ret par

    ek dhamake se ye sab zer-o-zabar ho jaenge

    ye ajab shab hai unhen sone na do warna 'salim'

    KHwab bachchon ke liye wahshat-asar ho jaenge

    RECITATIONS

    Nomaan Shauque

    Nomaan Shauque

    Nomaan Shauque

    ban ke duniya ka tamasha moatabar ho jaenge Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY