ban ke suraj main andhere se nikal aaya hun

ban ke sūraj maiñ añdhere se nikal aayā huuñ

yā'nī ahbāb ke halqe se nikal aayā huuñ

vādī-e-husn ke ḳhatre se nikal aayā huuñ

maiñ mohabbat ke ḳharābe se nikal aayā huuñ

apnā fan aur adākārī dikhāne ke liye

tere stage ke parde se nikal aayā huuñ

hirs o lālach ne parindoñ ko asīrī dī hai

maiñ to sayyād ke phande se nikal aayā huuñ

mausam-e-hijr se mānūs bahut dil thā magar

terī āvāz pe kamre se nikal aayā huuñ

talḳh-goī se ta'alluq meñ kamī aatī hai

ye ḳhasāra hai ḳhasāre se nikal aayā huuñ

tujh pe maa.il mirā dil hai ye ġhalat maiñ to idhar

sair karne ke irāde se nikal aayā huuñ

tere guldān tire ghar kī maiñ zīnat ke liye

gul kī sūrat kisī gamle se nikal aayā huuñ

mujh pe ye sabr-o-qanā'at kā hai ehsān 'sahar'

nafs-e-ammāra ke narġhe se nikal aayā huuñ

ban ke suraj main andhere se nikal aaya hun

ya'ni ahbab ke halqe se nikal aaya hun

wadi-e-husn ke KHatre se nikal aaya hun

main mohabbat ke KHarabe se nikal aaya hun

apna fan aur adakari dikhane ke liye

tere stage ke parde se nikal aaya hun

hirs o lalach ne parindon ko asiri di hai

main to sayyaad ke phande se nikal aaya hun

mausam-e-hijr se manus bahut dil tha magar

teri aawaz pe kamre se nikal aaya hun

talKH-goi se ta'alluq mein kami aati hai

ye KHasara hai KHasare se nikal aaya hun

tujh pe mail mera dil hai ye ghalat main to idhar

sair karne ke irade se nikal aaya hun

tere guldan tere ghar ki main zinat ke liye

gul ki surat kisi gamle se nikal aaya hun

mujh pe ye sabr-o-qana'at ka hai ehsan 'sahar'

nafs-e-ammara ke narghe se nikal aaya hun