band kamre mein dam na ghuT jae

band kamre meñ dam na ghuT jaa.e

khiḌkiyāñ khol do havā aa.e

aa ke sūraj saroñ pe baiTh gayā

chhup ga.e haiñ badan badan saa.e

itnā dam to kisī diye meñ nahīñ

kaun pāgal havā ko Thahrā.e

kyā kareñ le ke aisī bārish ko

rañg phūloñ kā jis meñ dhul jaa.e

kabhī tujh ko bhī bhūlnā chāhūñ

koī shaitān hai jo bahkā.e

dasht-e-jāñ par baras rahe haiñ rañg

ek āñchal fazā meñ lahrā.e

qaid zindān-e-ḳhāmushī meñ koī

ḳhud bhī taḌpe mujhe bhī taḌpā.e

band kamre mein dam na ghuT jae

khiDkiyan khol do hawa aae

aa ke suraj saron pe baiTh gaya

chhup gae hain badan badan sae

itna dam to kisi diye mein nahin

kaun pagal hawa ko Thahrae

kya karen le ke aisi barish ko

rang phulon ka jis mein dhul jae

kabhi tujh ko bhi bhulna chahun

koi shaitan hai jo bahkae

dasht-e-jaan par baras rahe hain rang

ek aanchal faza mein lahrae

qaid zindan-e-KHamushi mein koi

KHud bhi taDpe mujhe bhi taDpae