banda-e-alam-e-KHarab hun main

banda-e-ālam-e-ḳharāb huuñ maiñ

zindagānī kā inqalāb huuñ maiñ

hai vo nūr-e-jamāl kī tafsīr

aur siyah siyah-baḳhtiyoñ kā baab huuñ maiñ

zindagī naam hai mohabbat kā

apne maqsad meñ kāmyāb huuñ maiñ

huuñ haqīqat se apnī kosoñ duur

sar-basar vaqf-e-iztirāb huuñ meñ

umr-e-do-roza musta.ār milī

bahr-e-hastī meñ naqsh-e-āb huuñ meñ

ik tamāsha hai kār-gāh-e-nazar

maiñ samajhtā huuñ mahv-e-ḳhvāb huuñ maiñ

hai mirī zindagī kā raaz yahī

ġharq-e-har-mauja-e-sharāb huuñ maiñ

har rag-e-jāñ hai ma.asiyat kā nishāñ

apne a.amāl kā hisāb huuñ maiñ

al-ġharaz kyā kahūñ ki kyā huuñ 'anīs'

zindagī ke liye azaab huuñ maiñ

banda-e-alam-e-KHarab hun main

zindagani ka inqalab hun main

hai wo nur-e-jamal ki tafsir

aur siyah siyah-baKHtiyon ka bab hun main

zindagi nam hai mohabbat ka

apne maqsad mein kaamyab hun main

hun haqiqat se apni koson dur

sar-basar waqf-e-iztirab hun mein

umr-e-do-roza mustaar mili

bahr-e-hasti mein naqsh-e-ab hun mein

ek tamasha hai kar-gah-e-nazar

main samajhta hun mahw-e-KHwab hun main

hai meri zindagi ka raaz yahi

gharq-e-har-mauja-e-sharab hun main

har rag-e-jaan hai masiyat ka nishan

apne aamal ka hisab hun main

al-gharaz kya kahun ki kya hun 'anis'

zindagi ke liye azab hun main