banda-e-ishq hun juz yar mujhe kaam nahin

banda-e-ishq huuñ juz yaar mujhe kaam nahīñ

ḳhvāhish-e-nañg nahīñ kuchh havas-e-nām nahīñ

maz.hab-e-ishq kā ye Dhañg nirālā dekhā

kuchh vahāñ tazkira-e-kufr aur islām nahīñ

ishq ko jāntā huuñ dīn-o-īmān apnā

ġhair ma.ashūq parastī mujhe kuchh kaam nahīñ

kāba-e-jāñ hai mirā kūcha-e-jānāñ yaaro

sajda-e-dair-o-haram se mujhe kuchh kaam nahīñ

said-e-murġh-e-dil-e-āshiq liye ai dilbar

ḳhaal hai daana aur ye zulf kam az daam nahīñ

dard-e-dil ne hameñ kyā kyā hai chakhā.ī lazzat

is liye dil ko mire ḳhvāhish-e-ārām nahīñ

maz.hab-e-ishq meñ aa kar ke hamīñ ai 'āsim'

shaah ḳhādim ke sivā aur se kuchh kaam nahīñ

banda-e-ishq hun juz yar mujhe kaam nahin

KHwahish-e-nang nahin kuchh hawas-e-nam nahin

mazhab-e-ishq ka ye Dhang nirala dekha

kuchh wahan tazkira-e-kufr aur islam nahin

ishq ko jaanta hun din-o-iman apna

ghair mashuq parasti mujhe kuchh kaam nahin

kaba-e-jaan hai mera kucha-e-jaanan yaro

sajda-e-dair-o-haram se mujhe kuchh kaam nahin

said-e-murgh-e-dil-e-ashiq liye ai dilbar

KHal hai dana aur ye zulf kam az dam nahin

dard-e-dil ne hamein kya kya hai chakhai lazzat

is liye dil ko mere KHwahish-e-aram nahin

mazhab-e-ishq mein aa kar ke hamin ai 'asim'

shah KHadim ke siwa aur se kuchh kaam nahin