bar-sar-e-baad hua apna Thikana sar-e-rah

bar-sar-e-bād huā apnā Thikānā sar-e-rāh

kaam aayā mirā āvāz lagānā sar-e-rāh

dosto fart-e-junūñ raah badaltā hai mirī

kis ne chāhā thā tumheñ chhoḌ ke jaanā sar-e-rāh

dil mulāqāt kā ḳhvāhāñ ho to ḳhaak uḌtī hai

bach ke chaltā huuñ to miltā hai zamānā sar-e-rāh

ye jo miTTī tan-e-bāqī kī liye phirtā huuñ

chhoḌ jā.ūñgā kahīñ ye bhī ḳhazānā sar-e-rāh

tum kisī sañg pe ab sar ko Tikā kar so jaao

kaun suntā hai shab-e-ġham kā fasānā sar-e-rāh

rah-e-duniyā meñ Thaharnā to nahīñ thā dil ko

mil gayā hogā koī ḳhvāb purānā sar-e-rāh

bar-sar-e-baad hua apna Thikana sar-e-rah

kaam aaya mera aawaz lagana sar-e-rah

dosto fart-e-junun rah badalta hai meri

kis ne chaha tha tumhein chhoD ke jaana sar-e-rah

dil mulaqat ka KHwahan ho to KHak uDti hai

bach ke chalta hun to milta hai zamana sar-e-rah

ye jo miTTi tan-e-baqi ki liye phirta hun

chhoD jaunga kahin ye bhi KHazana sar-e-rah

tum kisi sang pe ab sar ko Tika kar so jao

kaun sunta hai shab-e-gham ka fasana sar-e-rah

rah-e-duniya mein Thaharna to nahin tha dil ko

mil gaya hoga koi KHwab purana sar-e-rah