barg aur tarah ke hain samar aur tarah ke

barg aur tarah ke haiñ samar aur tarah ke

is baar haiñ gulshan ke shajar aur tarah ke

har chand vahī kūza-garī hai sar-e-bāzār

darkār haiñ ab dast-e-hunar aur tarah ke

āsān nahīñ ab bhī tirā jāda-e-dushvār

darpesh haiñ ab ham ko safar aur tarah ke

vo log jo chalte haiñ rah-e-ām se mutazād

milte haiñ unheñ rāhguzar aur tarah ke

uftād meñ yaksāñ nahīñ pātāl kisī kī

haiñ sab ke liye us ke bhañvar aur tarah ke

āġhāz meñ kuchh aur thī anjām kī ummīd

āsār haiñ ab pesh-e-nazar aur tarah ke

taqvīm-e-tahayyur meñ 'kafīl' aa to ga.e ham

gardish meñ haiñ ab shām-o-sahar aur tarah ke

barg aur tarah ke hain samar aur tarah ke

is bar hain gulshan ke shajar aur tarah ke

har chand wahi kuza-gari hai sar-e-bazar

darkar hain ab dast-e-hunar aur tarah ke

aasan nahin ab bhi tera jada-e-dushwar

darpesh hain ab hum ko safar aur tarah ke

wo log jo chalte hain rah-e-am se mutazad

milte hain unhen rahguzar aur tarah ke

uftad mein yaksan nahin patal kisi ki

hain sab ke liye us ke bhanwar aur tarah ke

aaghaz mein kuchh aur thi anjam ki ummid

aasar hain ab pesh-e-nazar aur tarah ke

taqwim-e-tahayyur mein 'kafil' aa to gae hum

gardish mein hain ab sham-o-sahar aur tarah ke