barham hain wo ghair be-haya se

barham haiñ vo ġhair be-hayā se

māñgeñ kuchh aur bhī ḳhudā se

achchhā achchhā adū se miliye

jaao jaao jī balā se

kyā haal kaheñ dil-o-jigar kā

TukḌe TukḌe hai jā-ba-jā se

TuuTe kāñTe to zaḳhm ro.e

aañsū Tapke ḳharāsh-e-pā se

rāhat-talabī samajh ke ai dil

aise be-dard be-vafā se

matlūb vahī ki jis kī fariyād

niklegā kaam kyā duā se

ro leñ aao gale lipaT kar

fursat phir ho na ho qazā se

ham tak bhī koī shamīm-e-gesū

itnā kah dījiyo sabā se

guzre kyā jis se jaan de de

pūchho to apne mubtalā se

dekhā sab ko 'nasīm' dekhā

ḳhāmosh bayāñ mudda.ā se

barham hain wo ghair be-haya se

mangen kuchh aur bhi KHuda se

achchha achchha adu se miliye

jao jao ji bala se

kya haal kahen dil-o-jigar ka

TukDe TukDe hai ja-ba-ja se

TuTe kanTe to zaKHm roe

aansu Tapke KHarash-e-pa se

rahat-talabi samajh ke ai dil

aise be-dard be-wafa se

matlub wahi ki jis ki fariyaad

niklega kaam kya dua se

ro len aao gale lipaT kar

fursat phir ho na ho qaza se

hum tak bhi koi shamim-e-gesu

itna kah dijiyo saba se

guzre kya jis se jaan de de

puchho to apne mubtala se

dekha sab ko 'nasim' dekha

KHamosh bayan muddaa se