barq sar-e-shaKH-sar dekhiye kab tak rahe

Wamiq Jaunpuri

barq sar-e-shaKH-sar dekhiye kab tak rahe

Wamiq Jaunpuri

MORE BYWamiq Jaunpuri

    barq sar-e-shāḳh-sār dekhiye kab tak rahe

    ham ko yaqīn-e-bahār dekhiye kab tak rahe

    dāman-e-gulchīñ meñ phuul bulbul-e-shaidā malūl

    rūh-e-chaman sogvār dekhiye kab tak rahe

    kitne na.e qāfile manziloñ se mile

    baḳht meñ apne ġhubār dekhiye kab tak rahe

    dekhiye kab raah par Thiik se uTTheñ qadam

    raat mai ḳhumār dekhiye kab tak rahe

    mehnat-e-be-dām par nazm-e-kuhan barqarār

    nazm-e-kuhan barqarār dekhiye kab tak rahe

    ahl-e-junūñ ḳhuub haiñ vāqif-e-ā.īn-e-shauq

    dil pe magar iḳhtiyār dekhiye kab tak rahe

    dekhiye kab tak nazar bazm meñ bhaTkā kare

    hasrat-e-dīdār-e-yār dekhiye kab tak rahe

    raat bhī murjhā chalī chāñd bhī kumhlā gayā

    phir bhī tirā intizār dekhiye kab tak rahe

    kashmakash-e-nañg-o-nām dahr meñ jiinā harām

    naam ye jiit haar dekhiye kab tak rahe

    dekhiye kab tak zamīñ zarroñ dhamkī sahe

    ziist ke ruḳh par ġhubār dekhiye kab tak rahe

    barsar-e-'vāmiq' hazār gardish-e-lail-o-nahār

    gardish-e-lail-o-nahār dekhiye kab tak rahe

    barq sar-e-shaKH-sar dekhiye kab tak rahe

    hum ko yaqin-e-bahaar dekhiye kab tak rahe

    daman-e-gulchin mein phul bulbul-e-shaida malul

    ruh-e-chaman sogwar dekhiye kab tak rahe

    kitne nae qafile manzilon se ja mile

    baKHt mein apne ghubar dekhiye kab tak rahe

    dekhiye kab rah par Thik se uTThen qadam

    raat ki mai ka KHumar dekhiye kab tak rahe

    mehnat-e-be-dam par nazm-e-kuhan barqarar

    nazm-e-kuhan barqarar dekhiye kab tak rahe

    ahl-e-junun KHub hain waqif-e-ain-e-shauq

    dil pe magar iKHtiyar dekhiye kab tak rahe

    dekhiye kab tak nazar bazm mein bhaTka kare

    hasrat-e-didar-e-yar dekhiye kab tak rahe

    raat bhi murjha chali chand bhi kumhla gaya

    phir bhi tera intizar dekhiye kab tak rahe

    kashmakash-e-nang-o-nam dahr mein jina haram

    nam ki ye jit haar dekhiye kab tak rahe

    dekhiye kab tak zamin zarron ki dhamki sahe

    zist ke ruKH par ghubar dekhiye kab tak rahe

    barsar-e-'wamiq' hazar gardish-e-lail-o-nahaar

    gardish-e-lail-o-nahaar dekhiye kab tak rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY