barson se hun main zamzama-pardaz-e-mohabbat

barsoñ se huuñ maiñ zamzama-pardāz-e-mohabbat

aa.ī na javāban kabhī āvāz-e-mohabbat

ik dard mohabbat hai mirī har rag-o-pai meñ

har saañs hai ab merā ik āvāz-e-mohabbat

har-chand ki har bazm meñ Thukrā.ī ga.ī hai

āvāz-e-mohabbat hai phir āvāza-e-mohabbat

ma.amūr haiñ āvāz-e-mohabbat se fazā.eñ

mastūr hai go sāhib-e-āvāz-e-mohabbat

aa jaa.e zarā sīna-e-āfāq meñ garmī

ho jaa.e zarā sho.ala-zan āvāz-e-mohabbat

ye daur hai daur-e-havas is daur meñ ai dil

suntā nahīñ dil se koī āvāz-e-mohabbat

jis shaḳhs ke siine meñ hai dil kī jagah patthar

samjhegā vo kyā ma.anī-e-āvāz-e-mohabbat

is daur-e-tag-o-dau meñ vafā kaun sunegā

kitnī hī dil-āvez ho āvāz-e-mohabbat

barson se hun main zamzama-pardaz-e-mohabbat

aai na jawaban kabhi aawaz-e-mohabbat

ek dard mohabbat hai meri har rag-o-pai mein

har sans hai ab mera ek aawaz-e-mohabbat

har-chand ki har bazm mein Thukrai gai hai

aawaz-e-mohabbat hai phir aawaza-e-mohabbat

mamur hain aawaz-e-mohabbat se fazaen

mastur hai go sahib-e-awaz-e-mohabbat

aa jae zara sina-e-afaq mein garmi

ho jae zara shoala-zan aawaz-e-mohabbat

ye daur hai daur-e-hawas is daur mein ai dil

sunta nahin dil se koi aawaz-e-mohabbat

jis shaKHs ke sine mein hai dil ki jagah patthar

samjhega wo kya mani-e-awaz-e-mohabbat

is daur-e-tag-o-dau mein wafa kaun sunega

kitni hi dil-awez ho aawaz-e-mohabbat