bas dikha de rah-e-mai-KHana koi
bas dikhā de rāh-e-mai-ḳhāna koī
le chale yā sū-e-vīrāna koī
kyā milā farzānoñ meñ rah kar mujhe
un se to behtar hai dīvāna koī
rah-guzār-e-shauq kā hai ye karam
ho gayā apnā hī begāna koī
aaj ke hālāt par likkhūñ to kyā
gar likhūñ samjhoge afsāna koī
maiñ huuñ aur tanhā.iyoñ kā dasht hai
dard ko mere nahīñ jaanā koī
maiñ ne bhī sīkhā hai duniyā se bahut
sīkhe mujh se bhī to ġham khānā koī
kahte haiñ 'sāhil' se aksar mehrbāñ
hai ġhazal yā harf-e-rindāna koī
bas dikha de rah-e-mai-KHana koi
le chale ya su-e-virana koi
kya mila farzanon mein rah kar mujhe
un se to behtar hai diwana koi
rah-guzar-e-shauq ka hai ye karam
ho gaya apna hi begana koi
aaj ke haalat par likkhun to kya
gar likhun samjhoge afsana koi
main hun aur tanhaiyon ka dasht hai
dard ko mere nahin jaana koi
main ne bhi sikha hai duniya se bahut
sikhe mujh se bhi to gham khana koi
kahte hain 'sahil' se aksar mehrban
hai ghazal ya harf-e-rindana koi
Source:
Auraaq-e-Pareshan (Pg. 14)
- Author: Ashok Sawhny Sahil
-
- Edition: 2014
- Publisher: Monarch International (Group)
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
