bas hi hamein yak nazar misl-e-sharar dekhna

bas hī hameñ yak nazar misl-e-sharar dekhnā

kis ko mile bā-nasīb bār-e-digar dekhnā

ā.ina-sāñ kyā ġharaz ham ko bad-o-nek se

sāmne jo aa gayā ek nazar dekhnā

aur to bāteñ burī chhaT ga.iiñ sab jīte-jī

aañkh muñde par chhaTā ek magar dekhnā

sar ko uTh kar zarā dekhiye merī taraf

aa ke udhar baiThnā aur idhar dekhnā

dekhiye 'mārūf' ab kyuuñ ki dil-o-dīñ rahe

is but-e-kāfir kā hai ye hī agar dekhnā

bas hi hamein yak nazar misl-e-sharar dekhna

kis ko mile ba-nasib bar-e-digar dekhna

aaina-san kya gharaz hum ko bad-o-nek se

samne jo aa gaya ek nazar dekhna

aur to baaten buri chhaT gain sab jite-ji

aankh munde par chhaTa ek magar dekhna

sar ko uTh kar zara dekhiye meri taraf

aa ke udhar baiThna aur idhar dekhna

dekhiye 'maruf' ab kyun ki dil-o-din rahe

is but-e-kafir ka hai ye hi agar dekhna